Үндэсний бэлэг дурсгалын дэлгүүр

Үндэсний үйлдвэрлэл, гар урчуудаа дэмжих зорилгоор УИД-ийн 5-р давхарт үндэсний гар урлал, бэлэг дурсгалын барааг худалдах өөрөө өөртөө үйлчлэх Монголын хамгийн том үндэсний бэлэг дурсгалын дэлгүүрийг нээсэн юм.

Монгол гэрийг санагдуулам таазны өвөрмөц интерьэр бүхий Монгол үндэстний ёс заншил нэвт шингэсэн энэхүү үндэсний бэлэг дурсгалын төв нь 11 төрөлжсөн тасагтай. Үүнд:

  1. Үслэг эдлэл
  2. Үндэсний хувцас
  3. Эсгий эдлэл
  4. Эртний эдлэл ба шашины эд зүйлс
  5. Арьсан эдлэл
  6. Уран зураг
  7. Монгол дархан  ба металл эдлэл
  8. Хүүхэлдэй ба  баг
  9. Ном газрын зураг, ил захидал,марк, хөгжмийн диск
  10. Үндэсний хөгжим тоглоом сийлбэр
  11. Импортын бэлэг дурсгал

Манай дэлгүүр нь 1500 орчим үндэсний гар урчууд болон гар урлалын жижиг  үйлдвэр, хувь хүмүүстэй хамтран ажиллаж үйл ажиллагаа явуулж, Монголд аялалаар болон албан ажлаар ирсэн  гадаадын жуулчид, зочид төлөөлөгчдөд үндэсний онцлогтой өвөрмөц бэлэг дурсгалын бүтээгдэхүүнийг өргөн сонголттой, өндөр чанартайгаар хүргэхийг зорьдог. 

Сувенир төв дараах  хэд хэдэн давуу талыг шингээсэн нь гадаад дотоодын жуулчдын заавал орох ёстой зүй ёсны нэг дэлгүүр болж чадсан.

  • Нэг удаад групээр ирсэн олон тооны жуулчид зочидод зэрэг үйлчлэх хүчин чадалтай
  • Тэдний аюулгүй байдлыг хангасан харуул хамгаалалттай
  • Барааны сонголт өргөн сайн.
  • Хамгийн том худалдааны заалтай
  • Гадаа жуулчидын групп зогсох авто машины зогсоол хүрэлцээтэй
  • Гадаад хэлний мэдлэгтэй борлуулагчид үйлчилдэг
  • Хямд үнэ бүхий чанартай бараа бүтээгдэхүүнийг санал болгодог

Монголын хамгийн том Бэлэг дурсгалын төвд маань Чингис хааны 9 өрлөг бүхий сийлбэр сүндэрлээстэй байдаг.